Емделуші мүддесін қорғау

Емделуші қажеттіліктерін терең түсіну үшін қарым-қатынастың маңызды екеніне сенеміз

Емделуші ұйымдарымен қарым-қатынастың маңыздылығына сенеміз, сондықтан емделуші қажеттіліктерін тереңірек түсіну және осындай түсініктерді бүкіл ұйымымызға енгізуде көп жұмыс істейміз. Осылайша емделушілер мен олардың күтушілеріне салауатты және бақытты өмірге жету ұмтылыстарына қатысты қолдау көрсетуімізде маңызды рөл атқаратын ашық серіктестіктер құрамыз.

Teva компаниясының емделуші ұйымдарымен қарым-қатынас орнату бойынша негізгі қағидалары:

Әдеп нормаларын сақтау және адалдық

Teva қызметкерлері емделуші ұйымдарымен қарым-қатынаста адалдықтың ең жоғары стандарттарын сақтайды деп күтіледі.

Ашықтық

Teva компаниясы емделуші ұйымдарымен орнатқан қарым-қатынасында ашық және адал болады.

Teva компаниясы емделуші ұйымдарына берген қаржылай көмек пен елеулі қаржылай емес көмекті ашық түрде мәлім етеді. Бұған қоса, емделуші ұйымдары өз пайымына сәйкес Teva компаниясының олардың бағдарламаларына көрсеткен қолдауын жариялай алады. Teva компаниясының емделуші ұйымдарымен қарым-қатынасына қатысты ғаламдық саясаты емделушілердің топтарына қолжетімді.

Өзара тиімділік

Teva компаниясының емделуші ұйымдарына көрсететін қолдауы емделушілердің, отбасылардың және күтушілердің жағдайын жақсартуға бағытталған. Емделуші ұйымдарымен жүргізілген кез келген іс-әрекеттің артықшылығы мүддесін емделушілердің топтары қорғаған емделушілерге анық көрінуі тиіс.

Емделуші ұйымдары мен Teva компаниясы арасындағы сәтті серіктестіктер екі ұйымға да өзара тиімділік қамтамасыз етуі қажет. Сол себепті Teva компаниясы мақсаттар мен приоритеттер сәйкес келетін салаларда емделуші ұйымдарымен өзара тиімді қарым-қатынастар құру жолын іздейді.

Тәуелсіздік

Teva компаниясымен серіктес болған емделуші ұйымының тәуелсіздігіне қауіп төнбеуі немесе қауіп төнген болып қабылданбауы тиіс әрі емделуші ұйымдары компанияның ұстанымдарына ашық түрде қарсылық білдіруге құқылы.

Сәйкестік

Компания қызметкерлері (және оның өкілдері) мен емделуші ұйымдары арасындағы әр қарым-қатынас үкіметтің барлық ережелеріне, нормаларына және нұсқауларына, сондай-ақ Teva компаниясының тиісті барлық саясаттарына сәйкес келуі тиіс.

Жарнамалық сипаты жоқ

Teva компаниясы емделуші ұйымдарымен құрған әрекеттестіктері мен қарым-қатынастарын өз өнімдерін жарнамалау немесе өнімдері туралы коммерциялық хабардарлықты арттыру үшін пайдаланбауы тиіс. Мұндай әрекетке тұтынушыларға тікелей жарнама беруге рұқсат етілген елдерде ғана және өнімді жарнамалауды реттейтін барлық қолданыстағы заңдар мен Teva саясаттарына сәйкес жасалғанда ғана баруға болады.